शब्द

शब्द एक तुझा... शब्द एक माझा...
शब्द घडवितसे संवाद साधा...

शब्द कधी मोठा... शब्द कधी छोटा...
शब्द जागवितसे भाव खरा खोटा...

शब्द कधी त्रास... शब्द कधी आस...
शब्द कधी असतो वास्तवातला आभास....

शब्दास असे अर्थ... शब्द कधी व्यर्थ ...
शब्दच घडवीतसे अर्थाचा अनर्थ...

शब्द कधी भार... शब्द तळपती तलवार ...
शब्द असती कधी प्रेमाची संततधार ...

शब्द कधी शाप ..शब्द अखंड वरदान...
शब्द झेलता झेलता घडतसे मान अपमान...

शब्द संवादाचे साधन.. शब्द भावनांचे चित्रण...
शब्द मौनाचे उत्तर ... शब्द नात्यातील अत्तर...