असेच काही द्यावे घ्यावे

असेच काही द्यावे घ्यावे ; ऋणानुबंध हे हळुवार जपावे
सहवासाच्या वेलीवरती , प्रेमाचे हे फुल फुलावे...

असेच काही द्यावे घ्यावे, शब्दांविना ही भाव कळावे...
स्पर्शातुनी हलकेच क्षणांनी उमलत उमलत बहरून  यावे...

असेच काही द्यावे घ्यावे, तुझ्यामाझ्यातील अंतर मिटावे...
स्वप्नांना साकार करण्या उंच भरारीचे सामर्थ्य मिळावे...

असेच काही द्यावे घ्यावे , फुलपाखरापरी स्वछंद जगावे...
चंदनापरी झिजता झिजता , सुगंधातूंनी विरून उरावे...

असेच काही द्यावे घ्यावे, आनंदाचे क्षण वेचावे...
दुःख भयाच्या ओंजळीतून नैराश्याचे अर्घ्य द्यावे...